دنیا

امفان سمندری طوفان نے بھارت اور بنگلا دیش میں تباہی مچا دی، 84 افراد ہلاک اور متعدد زخمی

خلیج بنگال سے اٹھنے والا سمندری طوفان 'امفان' نے بھارت اور بنگلا دیش میں تباہی مچادی اور طوفان سے اب تک 84 افراد ہلاک جب کہ درجنوں زخمی ہوچکے ہیں۔

 

خلیج بنگال سے اٹھنے والا سمندری طوفان ‘امفان’ نے بھارت اور بنگلا دیش میں تباہی مچادی اور طوفان سے اب تک 84 افراد ہلاک جب کہ درجنوں زخمی ہوچکے ہیں۔

طاقتور سمندری طوفان امفان گزشتہ روز بھارتی ریاست مغربی بنگال کے ساحل سے ٹکرایا تھا اور طوفان سے بڑے پیمانے پر جانی و مالی نقصان ریکارڈ ہوا۔

طوفان سے ریاست مغربی بنگال میں 72 افراد کی ہلاکت کی تصدیق ہوچکی ہے۔

وزیراعلیٰ ممتا بنرجی کا کہنا ہے کہ طوفان کے باعث مغربی بنگال میں ہزاروں مکانات کی چھتیں اڑ گئی ہیں اور درخت اکھڑ گئے ہیں۔

مغربی بنگال کے نشیبی علاقوں میں پانی جمع ہو گیا ہے جس کی نکاسی کے لیے امدادی کارروائیاں جاری ہیں۔

سمندری طوفان امفان نے بنگلادیش کے 3 ساحلی اضلاع کو بھی متاثر کیا جہاں 12 افراد ہلاک اور کئی زخمی ہو گئے۔

طوفان کے باعث بنگلادیش کی ساحلی علاقوں میں تیز ہواؤں کے ساتھ شدید بارشیں ہوئیں۔

سمندری طوفان امفان کے باعث بنگلادیش کے ساحلی علاقوں سے ایک لاکھ 35 افرادکو محفوظ مقامات پر منتقل کیا جا چکا ہے۔

Leave a Reply

Your email address will not be published. Required fields are marked *

Back to top button